Melancholy of a Helpless Moron

heto na’t magbubukas na’ng mga kurtina,

maya maya lang ay magsisimula na ang programa;

halina’t ihanda ang iyong mga mata,

wag kang kukurap at baka may hindi makita…

hindi mo masasabi kung ano’ng mangyayari,

sa bawat eksena’y may nakatagong sorpresa;

minsan ika’y tatawa, at minsa’y babahain ng luha,

isang minuto, ika’y umiibig, maya-maya’y nagdurusa…

tila mga bitwing nagsihulog sa langit,

mga aktor na sadya ngang kaakit-akit;

mga matatamis na ngiti’y sa kanila’y namumutawi,

sa likod ay pagluha’t lubos na pighati…

tara na’t panoorin ang daloy ng bawat tagpo,

kasabay ang bawat segundong tuloy sa pagtakbo;

halina’t panoorin ang bawat pag-iyak at pagtawa,

dito sa entablado ng buhay kong madrama…

This entry was posted on Tuesday, May 22nd, 2007 at 6:33 am and is filed under Uncategorized. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.